Шымкентте жас режиссерлар арасында дәстүрге айналған қысқаметражды фильмдердің байқауы басталды, деп хабарлайды 24.kz.
Биылғы кинотуындылар сайысы Астананың 20 жылдық мерекесіне арналып отыр.
Өткен жылы бұл фестиваль "Самғау-2018" атауымен өткен болатын. Оған 14 пен 29 жас аралығындағы 20 жас талантты режиссер бақ сынаған еді. Ал Астананың мерейтойына арналған байқауға қатысушылар саны екі есеге көбеймек.
5-10 минуттық шағын туындыларда отбасы құндылықтары, жемқорлықпен күрес, спорт және бас қала Астана тақырыптары көрініс табуға тиіс. Ең үздік деп танылған қысқаметражды фильм жарты миллион теңгені жеңіп алады.
"Бұл фестивальдің бірден-бір ерекшелігі біздің өңіріміздегі кино индустрия саласына үлкен мән беріліп, жас таланттардың жылма-жыл артып келе жатқанын біз көзімізбен көріп отырмыз. Фестивальдің мақсаты – осы талантты шығармашыл жастарға қолдау көрсетіп, өнеріне, шығармашылығына жағдай жасау, мүмкіндік беру", - дейді облыстық жастар рессурстық орталығының директоры Береке Дүйсебеков.
