Шымкент қаласының әкімдігі қызғалдақтармен суретке түсуге байқау жариялады, деп хабарлайды elitar.kz.
Жыл сайын көктем келгенде Шымкент қызғалдаққа көмкеріледі. Түрлі-түсті қызғалдақ мегаполис көшелерін сәнге бөлейді. Айта кетейік, өңірдегі таулар Кауфман және Грейг қызғалдақтарының отаны саналады. Осы гүлдерден әйгілі голланд қызғалдақтарының сұрпы шығарылған.
Былтырдың өзінде Шымкентте 1 млн 37 мың қызғалдақ егілген болатын. Олардың тұқымы Польшадан жеткізілген.
Көктем мен қаланың сәнін келтіретін гүлдерді насихаттау үшін жарияланған байқауға фотосуреттерді 15 сәуірге дейін тапсыруға болады. Суреттерді press_megapolis@mail.ru электронды мекенжайына немесе WhatsApp +7-747-910-4665 нөміріне жіберу керек. Барлық жұмысты әділқазылар бағалайды.
Сапасы және креатив бойынша үздік фотосуреттер қаладағы баннерлерде жарияланатын болады.
