Тексеру барысында 1) "3-Энергоорталық" АҚ-ы "Табиғи монополиялар туралы" Қазақстан Республикасы Заңының 26-бабының 2-тармағы 1) тармақшаларының талаптарын бұза отырып, табиғи монополиялар субъектілерінің мемлекеттік тіркеліміне енгізбестен электр энергиясын беру бойынша қызметтер көрсетті;
2) "3-Энергоорталық" АҚ-ы "Табиғи монополиялар туралы" Қазақстан Республикасы Заңының 26-бабының 2-тармағы 6) тармақшаларының талаптарын бұза отырып, тұтынушыға реттеліп көрсетілетін қызметке жатпайтын қосымша талаптарды белгілегені анықталған.
Субъектіге қатысты жол берілген бұзушылықтар үшін ҚР Әкімшілік құқық бұзушылық туралы Кодексінің 164-бабының 4-бөлігі бойынша 2 әкімшілік хаттама толтырылды.
"3-Энергоорталық" АҚ-ы бұзушылықтарды жасау фактілерін мойындады және санкцияда көрсетілген баптың елу пайызы мөлшерінде екі хаттама бойынша жалпы сомасы 4 667 200 теңгеге айыппұл төлеуге келісті.
Сонымен қатар Департамент тексеру нәтижелері бойынша ҚР Табиғи монополиялар туралы заңнамасын бұзушылықтарды жою туралы нұсқама шығарды.
