Шымкентте мұғалім сабақ үстінде қақалып қалған 4-сынып оқушысын аман алып қалды, деп хабарлайды inbusiness.kz сайты.
Әлеуметтік желіде тараған ақпаратқа сәйкес, сабақ кезінде 4-сынып оқушысы кәмпит жеп, тұншығып қалған. Оның қасында болған сынып жетекшісі дереу әрекет етіп, көмек көрсеткен. Осылайша қайғылы жағдайдың алдын алған.
"Мұғалімнің аты-жөні – Айгүл Даулбаева. Ол мектепте 27 жылдан бері еңбек етіп келеді және өз ісіне адалдығын тағы бір мәрте дәлелдеді", – делінген жазбада.
Желі қолданушылары ұстаздың әрекетіне ризашылығын білдірді. Олар "Дұрыс әрекет жасай білген", "Жарайсыз", "Дер кезінде жедел көмек көрсеткеніне рақмет" деп жазып, жылы пікірлер қалдырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
