Шымкенттің Абай ауданында полиция түнгі уақытта тұрғындардың тыныштығын бұзып, елді мекен аумағында пиротехникалық бұйымдар қолданған бес адамды анықтады, деп хабарлайды inbusiness.kz сайты.
Рейдтік-профилактикалық іс-шаралар барысында тәртіп сақшылары олардың әрекетін тоқтатты. Пиротехниканы елді мекен аумағында қолдану дерегі бойынша бес әкімшілік хаттама толтырылып, тұрғындар жауапкершілікке тартылды.
Полиция пиротехникалық бұйымдарды белгіленбеген орындарда және беймезгіл уақытта пайдалануға болмайтынын ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
