Шымкентте және Ақтөбе облысында есепшілер балабақша ақша жымқырған

461

Олар ақшаны өздеріне және мекемеде жұмыс істемейтін туыстарына аударып отырған, деп хабарлайды inbusiness.kz Қаржы министрлігіне сілтеме жасап.    

Шымкентте және Ақтөбе облысында есепшілер балабақша ақша жымқырған Фото: inform.kz

Мұндай олқылықтың болғанын Қаржы министрлігі ішкі мемлекеттік аудит комитетінің төрағасы Ержан Мыңжасаров мәлімдеді.

"Жыл басынан бері біздің комитетке түрлі сала бойынша 30 мыңға дейін өтініш келіп түсті. Оның ішінде 22 мыңнан астам өтініш мемлекеттік сатып алу рәсіміне қатысты. Сол сияқты 5 мыңнан астам жеке тұлға өтініш қалдырды. Одан бөлек, 100-ден астам ұжымдық өтініш болды. Өтініштердің дені әлеуметтік, құрылыс, білім беру, көлік және медицина саласы бойынша бюджет қаржысын жұмсау мәселесіне қатысты", – деді Ержан Мыңжасаров орталық коммуникациялар қызметі алаңында өткен баспасөз мәслихатында.

Оның айтуынша, комитетке келіп түскен өтініштердің көбіне жауап қайтарылған. 

"Мысал ретінде келтірсем, Шымкент қаласы мен Ақтөбе облысындағы балабақшаның бас есепшілері ақшаны қолма-қол алу мақсатында 19 млн теңгені өз атына және балабақшада жұмыс істемейтін туыстарына негізсіз аударған фактісі анықталды. Қабылданған шара нәтижесінде аталған соманың 5 млн теңгесі өтелді. Ал аудит материалы экономикалық тергеу департаментіне жіберілді", – деді ішкі мемлекеттік аудит комитетінің төрағасы Ержан Мыңжасаров. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу