Бұл туралы Индустрия және инфрақұрылымдық даму министрлігінің баспасөз қызметі хабарлады.
2006 жылы құрылған "Хлопкопром-Целлюлоза" ЖШС Шымкент қаласының "Оңтүстік" арнайы экономикалық аймағының аумағында орналасқан. Зауыт 6,5 гектар аумақты алып жатыр. Кәсіпорында 300-ден астам адам жұмыс істейді.
"Хлопкопром-Целлюлоза" ЖШС – әлемдік сапа стандарттарына сәйкес келетін мақта целлюлозасын, карбоксиметилцеллюлоза және полианионды целлюлоза өндіретін Қазақстандағы жалғыз кәсіпорын. Негізгі шикізат – компанияға тиесілі екі мақта тазалау зауытында өндірілетін мақта линті. Жыл сайын Қазақстанда шамамен 9 мың тонна линт өндірілсе, оның 7 мың тоннадан астамын осы зауыт алады.
Өзінің шикізат базасының болуы компанияға тиімді баға саясатын жүргізуге және тұтынушыларға қажетті кез келген сападағы өнімді өндіруге мүмкіндік береді. Зауыт жылына жылына 5 мың тонна мақта целлюлозасын, 6 мың тонна карбоксиметилцеллюлоза және полианионды целлюлоза шығарады.
"Мақта целлюлозасы – мақта линтін қайта өңдеу арқылы алынатын ақ түсті борпылдақ масса. Суда ерімейді. Компания өнімдері Ресейге, Украинаға экспортталады және оқ-дәрі, нитролактар өндірісі, мұнай және газ ұңғымаларын бұрғылау, тамақ және медицина өнеркәсібі, лак-бояу өнімдері мен құрғақ құрылыс қоспаларын өндіру сияқты көптеген салаларда қолданылады", – деп жазылған хабарламада.
Құралай Құдайберген
