Шымкенттік науқастың аты-жөнін жариялау дерегі бойынша тергеу жүріп жатыр

Шымкенттік науқастың аты-жөнін жариялау дерегі бойынша тергеу жүріп жатыр

Қылмыстық кодекстің 147-бабы бойынша іс қозғалды.

28 Наурыз 2020 16:58 196

Шымкенттік науқастың аты-жөнін жариялау дерегі бойынша тергеу жүріп жатыр

Коронавирус жұқтырған шымкенттік науқастың жеке деректерін жариялаған адамдарды анықтау үшін тергеу басталды. Ақпарат және қоғамдық даму министрі Дәурен Абаев осындай мәлімет айтты.

«Шымкент қаласының полиция департаменті коронавиурспен ауырған науқастың жеке деректерін тарату ісі бойынша тергеу жүргізіп жатыр. Қылмыстық кодекстің 147-бабының 5-бөлігі бойынша іс қозғалды. Бұл іс бойынша толық ақпарат береміз», – деді ол онлайн-брифингте.

Есжан Ботақара

inbusiness.kz-ті қараңыз, оқыңыз :

Елордалық медицина мамандары қала тұрғындарына бейнеүндеу жолдады

Бейнеүндеуде дәрігерлер мен медбикелер тұрғындарды денсаулықтарына сақтықпен қарап, үйде болуға шақырды.

25 Наурыз 2020 14:19 234

Елордалық медицина мамандары қала тұрғындарына бейнеүндеу жолдады

Коронавирус инфекциясымен бетпе-бет келіп, тәулік бойы күресіп жатқан медицина қызметкерлері қала тұрғындары мен қонақтарына бейнеүндеу жолдады, деп хабарлайды Елорда әкімдігінің ресми сайты.

Бейнеүндеуде тәжірибелі дәрігерлер мен медбикелер тұрғындарға қазір қиын-қыстау кезеңді бастап өткеріп жатқандарын айтып, тұрғындарды денсаулықтарына сақтықпен қарап, үйде болуға шақырды.

«Қазір маңызды кезеңдердің бірі. Бұл жаттығу емес. Біз үшін сіздердің өмірлеріңіз маңызды. Денсаулықтарыңызды сақтаңыздар. Бізге көмектесіңіздер. Үйде болыңыздар», – деді инфекционист дәрігер бейнежолдауда.

Астаналық медицина мамандарының пайымынша, вирусты жоюда дәрігерлердің ғана емес, азаматтардың да жауапкершілігі маңызды.

Еске сала кетсек, Нұр-Сұлтан қаласында 22 наурыз сағат 00.00-ден бастап қалаға кіріп-шығуға тыйым салынды. Қалада өткізу-бақылау бекеттері орнатылған. Күнделікті өмірге қажетті азық – түлік пен қажетті тауарларды кедергісіз тасымалдауға рұқсат берілген.

Париж – Минск – Нұр-Сұлтан бортымен келген жолаушылар үй карантиніне жатқызылады

3 науқас ауруханаға жеткізілді.

21 Наурыз 2020 13:58 235

Париж – Минск – Нұр-Сұлтан бортымен келген жолаушылар үй карантиніне жатқызылады

Нұр-Сұлтан қаласы қоғамдық денсаулық сақтау басқармасының басшысы Сәуле Қисықова короновирус инфекциясын жұқтырған соңғы 3 адамға қатысты ақпаратпен бөлісті. 

«19 наурыз күні Париж-Минск-Нұр-Сұлтан бағытындағы рейспен 73 жолаушы ұшып келді. Осы борттан 3 науқас анықталып, ауруханаға жеткізілді. Науқастармен бірге ұшып келген адамдар үй карантиніне жатқызылады», – деді Сәуле Қисықова.

Қанат Махамбет

Жаңалықтарға жазылу: