Шымкенттік тауарлар Ресей нарығына жол таратады. Осы бағытта Оңтүстік Қазақстан облысында екіжақты келісім-шарттар жасалды. Теріскейден келген іскер топ өкілдерін жеңіл және тамақ өнеркісібі, ауыл шаруашылығы салаларындағы жобалар қызықтырған. Таурлар көңілден шықса Кедендік Одақ аясында Ресейден оңтүстікке немесе Оңтүстіктен Ресейге тауарлар экспортталатын болады. Бұған дейін Томск кәсіпкерлері Түркістан қаласында болып, ондағы жиһаз шығаратын кәсіпкермен келісім шарт жасақан-ды. Нәтижесінде қазір киелі шаһардың жиһаздары Томск нарығына шығарылды. Енді осындай мүмкіндік өзге кәсіпкерлерге де туып отыр.
Олжас Жансейітов, Оңтүстік Қазақстан облыстық Кәсіпкерлік палатасының жобаларды сүйемелдеу бөлімі жетекшісі:
"Бес компанияның мақсаты әр түрлі. Біреуі сату жағын ойластырып жатыр. Біреуі тауарды Ресейге өткізу мақсатында келіп отыр. Біреулер бізге өз затын ұсынбақшы."
