Сондықтан мүше елдер Ауғанстанда бейбітшілік пен дамуды қамтамасыз ету жөніндегі халықаралық қоғамдастықтың күш-жігерін қолдауға дайын екендіктерін білдірді, деп хабарлайды Inbusiness.kz сайты.
"Мүше мемлекеттер Ауған қоғамының барлық этносаяси топтары өкілдерінің кеңінен қатысуымен инклюзивті үкіметті қалыптастыру осы елде берік бейбітшілік пен тұрақтылыққа қол жеткізудің жалғыз жолы екенін тағы да атап өтті", - делінген Астана декларациясы мәтінінде.
Мүше мемлекеттер Қазақстан Республикасының Алматы қаласында Орталық Азия мен Ауғанстан үшін орнықты даму мақсаттары бойынша БҰҰ Өңірлік орталығын құру туралы ұсынысын ерекше атап өтті.
Сондай-ақ, мүше мемлекеттер Тәжікстан Республикасының Ауғанстанның айналасында қауіпсіздік белдеуін құру тұжырымдамасын дамыту жөніндегі бастамасын атап өтті.
