Қазақстан Республикасының Сыртқы істер министрлігі миллиондаған бейбіт тұрғындар тұратын Эр-Рияд және Джизан қалаларына жасалған зымырандық шабуылдарды айыптайды, деп хабарлайды ведмоствоның баспасөз қызметі.
"ҚР СІМ жазықсыз адамдардың өміріне қауіп төндіретін мұндай шабуылдар Йемендегі жанжалды шешуге ықпал етпейтінін, керісінше осы елдегі ахуалды одан әрі күрделендіріп, бүкіл Таяу Шығыс аймағының қауіпсіздігіне нұқсан келтіреді деп санайды.
Біз барлық мүдделі тараптарды кез келген қақтығыстарды жалпыға бірдей танылған халықаралық құқық қағидаттары негізінде шешуге шақырамыз.
Осы тұрғыда Қазақстан БҰҰ Бас хатшысы А.Гутерриштің әлемдегі барлық қарулы қақтығыстарды тоқтату және әлемдік қауымдастықтың күш-жігерін жалпы жаһандық қауіп – COVID-19 пандемиясына қарсы біріктіру қажеттілігі туралы үндеуіне қосылады", – делінген хабарламада.
