Қайта өңдеу саласында жұмыс істеп жатқан кәсіпорындардың бір бөлігі табыс салығынан босатылуы мүмкін, деп хабарлайды Inbusiness.kz.
Мұндай ұсынысты Сыртқы істер министрінің орынбасары Алмас Айдаров көтерді.
"Егер өңдеуші өнеркәсіпке құйылатын инвестициялар көлемі 14 млн доллардан асатын болса, инвесторлар корпоративтік табыс салығынан 10 жылға, жер және мүлік салығынан 18 жылға босатылады. Осы жылға біз ұсынып отырған жаңа преференциялар бар. Олар әлі талқыланады. Негізгісі, өңдеуші өнеркәсіпке инвестиция құйып, жұмыс істеп жатқан инвесторлар жобадан түскен табысын тағы да эжкономикаға инвестициялайтын болса, ол табыстарды салықтан босатуды ұсынып отырмыз. Бұл әлі талқыланып, Сенатқа ұсынылады. Мақсаты – қазіргі қиын кезеңде инвесторларды қайта инвестициялауға ынталандыру. Ондай кәсіпорындар бізде көп. Бұл тек қана өңдеуші кәсіпорындарға қатысты. Жер қойнауын пайдаланушылар ондай салықтардан босатылмайды" - деді вице-министр.
Есжан Ботақара
