Синоптиктер 5 өңірде ескерту жариялады

Синоптиктер 5 өңірде ескерту жариялады

12 Маусым 2020 20:21 467

Синоптиктер 5 өңірде ескерту жариялады
Ақмола, Атырау, Қостанай және Қызылорда облысында  ауа райы құбылады.  

Синоптиктер Қазақстанның бірнеше өңірінде ескерту жариялады, деп хабарлайды «Қазгидромет» РМК.

Атап айтқанда, Ақмола облысының басым бөлігінде 13 маусым күндіз жаңбыр жауады. Кей жерлерде найзағай ойнап, дауыл соғады, бұршақ жаууы мүмкін. Оңтүстіктен соғатын жел солтүстік-батысқа ауысып, екпіні секундына 15-20 метрге жетеді. Өңірдің жекелеген аумағында өрт тұтану қаупі болады.

Көкшетауда 13 маусым күндіз найзағай, бұршақ күтіледі. Оңтүстіктен соғатын жел солтүстік-батысқа ауысып, жылдамдығы секундына 15-18 метрді құрайды.

Атырау облысында 35-39 градусқа дейін қатты ыстық болады. Бесінші санаттағы өрт қаупі туралы ескертілуде.

Атырауда күндіз 37-39 градус ыстық сақталады.

Қостанай облысының кей жерлерінде найзағай, дауыл, бұршақ болжанады. Оңтүстік батыстан соғатын жел солтүстікке ауысып, жылдамдығы түнде және күндіз 15-20 м/с болады.

Қызылорда облысында 40 градусқа дейін қатты ыстық болуы мүмкін. Күндіз 15-20 м/с шығыстан, оңтүстік-шығыстан жел соғады.

Маңғыстау облысының оңтүстігінде 41 градусқа дейін қатты ыстық күтіледі.

129238

Ұқсас материалдар:

koronaviruspen-kureske-zhumyldyrylgan-mamandardyn-barlygy-ustemaky-aldy

munaj-bagasynyn-kuldyrady

20-mausymnan-bastap-halykaralyk-aue-rejsteri-kajta-zhandanady

kyrgyzstannan-kontrabandalyk-zholmen-kelgen-400-myn-korap-temeki-alyndy

amerikalyk-indekster-tagy-kuldyrady

загрузка

×