Араб лигасының Сыртқы істер министрлері кеңесі он жыл бұрын ұйымнан шығарылған Сирияны қатарларына қайтару туралы шешім Каирдегі шұғыл жиналыста қабылданды, деп хабарлайды inbusiness.kz ұйымның Бас хатшысының өкілі Гамаль Рушдиге сілтеме жасап.
Осылайша, 2011 жылы ұйымнан өз халқына қарсы зорлық-зомбылықпен қуғын-сүргін салдарынан шығарылған президент Башар Асад бастаған Сирия үкіметінің оқшаулаулану дәурені аяқталды, деп хабарлады dpa.
Араб мемлекеттері өз кезегінде "өзара сыйластыққа негізделген тиімді тәсілді" ұстануы керек деп Сирияның сыртқы істер министрлігінде атап өтті. Ведомство сонымен қатар "араб елдерінің алдында тұрған мәселелерді шешу үшін бірлескен жұмыс пен диалогтың маңыздылығын" атап өтті.
Араб лигасы елдерінің СІМ басшылары "Сириядағы дағдарысты, оның гуманитарлық әрі саяси салдарын, сондай-ақ қауіпсіздік салдарын" шешуге күш салуда жетекші рөл атқаруға ұмтылысын" атап өтіп, гуманитарлық көмек "мұқтаж жандарға" көрсетілуі керек екенін айтты. Олар сондай-ақ "жан-жақты шешімге қол жеткізу үшін Сирия үкіметімен тікелей диалогты" жалғастыру үшін Министрлер комитетін құруға келісті.
Dpa агенттігі хабарлағандай, көрсетілетін көмекке жауап ретінде Араб Лигасы Сирия билігі жаңа конституция туралы оппозициямен келіссөздерді қайта бастап, әділетті сайлауға жол ашады деп күтеді. Сонымен қатар, Үкімет босқындардың оралуына рұқсат беріп, гуманитарлық көмек көрсетуді қамтамасыз етіп, көрші елдерге есірткі контрабандасын тоқтатуы керек, деп атап өтті агенттік. Оның айтуынша, араб елдері Сирияны қалпына келтіру үшін қаржылық қолдау көрсеткісі келеді және одақтас мемлекеттерді сол елден әскерлерін шығаруға көндіргісі келеді.
Араб Лигасының 22 мүшесінің келесі саммиті 19 мамырда Сауд Арабиясында өтеді деп жоспарланған. Патшалық Асадты осы кездесуге шақыра алады, деп атап өтті dpa.
