Сирия астанасы Дамаск қаласына әуеден шабуыл жасалды, деп хабарлайды Inbusiness.kz жергілікті Ikhbariya телеарнасына сілтеме жасап.
Әуе шабуылына қарсы қорғаныш зымырандарды қағып түсірді. Телеарна Дамаск мен оның айналасындағы зениттік жүйелер жұмысының кадрларын көрсетті.
Әзірге қаза тапқандар, зардап шеккендер, қирап қалған ғимараттар туралы ақпарат жарияланбады. Араб Республикасының аумағына кімнің шабуыл жасағаны да әлі белгісіз. Бұған дейін Израиль қорғаныс әскері осындай шабуыл жүргізген еді. Ол осы елдегі ливандық "Хезболла" қозғалысының нысандарын атқылаған болатын. Израильде террористік деп танылған бұл ұйым Сирия президенті Башар Асадты қолдайды.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
