"Жусан" операциясы аясында Сириядан оралған 14 қазақстандық терроризмге қатысы бар деп айыпталып отыр, тағы 15 адам сотталған, деп хабарлайды ҰҚК баспасөз қызметі.
Баспасөз қызметінің хабарлауынша, 14 азаматқа қатысты қылмыстық істі тергеп-тексеру аяқталыпты. Оларға Сирияда ДАИШ сапында болып, террорлық әрекеттерге араласқан, өзге де ауыр қылмыстарға барған деген кінә тағылып отыр.
Қазір қылмыстық іс материалдары Нұр-Сұлтан қаласының мамандандырылған ауданаралық сотына берілген.
ҰҚК ақпаратына сүйенсек, бұған дейін Сириядан жеткізілген 10 ер адам мен 5 әйел халықаралық террористік ұйым – ДАИШ әрекеттеріне қатысы бар деген факті бойвнша әртүрлі мерзімге бас бостандығынан айырылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
