"СК-Фармация" Жауапкершілігі шектеулі серіктестігінің бұрынғы басқарма төрағасы Берік Шәріп ұсталды, деп хабарлайды Atameken Business.
Мұны бүгін Сыбайлас жемқорлыққа қарсы іс-қимыл агенттігінің өкілдері растады. Экс-төрағаға Төтенше Жағдай кезінде медициналық бұйымдарды сатып алуда өкілеттігін теріс пайдалану фактісі бойынша айып тағылған. Қазір Берік Шәріп Нұр-Сұлтан қалалық полиция департаментінің уақытша тергеу изоляторында қамауда отыр. Бұдан өзге ақпаратты агенттік өкілдері тергеу мүддесі үшін жария етпеді. Еске сала кетсек, 13 шілдеде мемлекет басшысы Қасым-Жомарт Тоқаев, елдегі дәрі тапшылығына қатысты даудан кейін, мемлекеттік әлеуметтік медициналық сақтандыру қоры мен "СҚ Фармация" басшыларын жұмыстан шығаруды тапсырған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
