"Еңбек ресурстарын дамыту орталығы" АҚ Яндекс Қазақстанмен онлайн-оқытуды дамыту бойынша бірлескен жұмысты бастады, нәтижесінде Skills Enbek платформасында қолжетімді курстар саны артады.
Ынтымақтастық ел азаматтарына қосымша мүмкіндіктер беруге және IT саласында жаңа дағдыларды игеру үшін қолжетімді курстар базасын кеңейтуге бағытталған.
Қазірдің өзінде қол жетімді материалдардың ішінде "Основы Python-разработки" тегін курсы бар. Бұл курс IT саласында өз мансабын бастағысы келетіндерге және сұранысқа ие бағдарламалау тілінің негіздерімен танысқысы келетіндерге арналған. Курста студенттер backend-әзірлеу туралы көбірек біледі және Python-да код жазуды бастай алады.
Skills Enbek-те қазіргі кезде әртүрлі бағыттар бойынша 269 курс бар, оның 209-ы тегін. Пайдаланушылар саны 350 мың адамнан асты, 292 мың адам оқуды сәтті аяқтап, сертификат алды.
