Бүгін таңғы сағат 5 шамасында республикалық маңызы бар М-36 "Екатеринбург – Алматы" автожолының 835 шақырымында жолды су шайып кетті, деп хабарлайды "ҚазАвтожол" баспасөз қызметі.
Солтүстік Қазақстан облысының "Чистополье" елдімекенінің маңындағы Ақан-Бұрлық өзені арқылы өтетін көпірдің жанындағы айналма жолды су шайып кетті. Тасқын салдарынан жол төсенішінің бөлігі бұзылған.
"Қазіргі уақытта су деңгейі төмендеуде. Бұл жағдай "ҚазАвтожол" ҰК АҚ Солтүстік Қазақстан облыстық филиалының және облыс жол қызметінің бақылауында", – делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
