Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді, деп хабарлайды inbusiness.kz сайты.
"Былтырғыға қарағанда тек смартфон арқылы алатын қызметтердің саны 6 есеге артты. Kaspi, Halyk сияқты танымал қосымшаларда 50-ден астам қызмет көрсетіледі. Оларды саны 33 млн-ға жетіп, 3 есе өсті", - деді ведомство басшысы Үкімет отырысында.
Бағдат Мусиннің айтуынша, министрлік проактивтік қызметтерді дамытуға да мән беріп отыр.
"Олардың түрі 40-қа жетіп, саны 2 млн-нан асты. Биометриялық растау және QR-мен қол қою арқылы электрондық қызметті алуды одан сайын жеңілдеттік. БҰҰ рейтингісі бойынша онлайн-сервис көрсету жағынан еліміз дүние жүзінде 8-орында. "Электрондық үкіметті" дамыту бойынша 28- орында тұрмыз", - деп атап өтті Цифрлық даму министрі.
