/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
Солтүстік инвестициялық банк салықтан босатылады

Солтүстік инвестициялық банк салықтан босатылады

Хельсинкиде қол қойылған құжат Қазақстанда ратификацияланды. 

11 Қыркүйек 2019 16:16 403

Солтүстік инвестициялық банк салықтан босатылады

Мәжілістің жалпы отырысында «Қазақстан Республикасы мен Солтүстік инвестициялық банк  арасындағы Солтүстік инвестициялық банктің Қазақстандағы қызметін реттейтін негіздемелік келісімді ратификациялау туралы» заң жобасы мақұлданды. 

Бұл құжатқа былтыр 16 қазанда Хельсинки қаласында қол қойылған.

Келісім Қазақстандағы инвестициялық жобаларды қаржыландыру үшін Солтүстік инвестициялық банктің қызметіне жол ашуды көздейді. 

«Солтүстік инвестициялық банк қаржыландыруының негізгі бағыттары энергетика, «жасыл экономика», телекоммуникация, көлік, өнеркәсіптің түрлі салалары, ауыл шаруашылығы, денсаулық сақтау секторы сондай-ақ  шағын және орта бизнес. Келісімде Қазақстанның заңнамалық актілерінде көзделмеген нормалар, атап айтқанда валютаның айырбасталуы, қаражат аудару, тендер өткізу және Солтүстік инвестициялық банктің активтері мен кірістерін салық салудан босату жөніндегі нормалар белгіленеді. Бұл халықаралық ұйымдардың стандартты шарттары. Келісім мүшелік жарналар және бюджеттен басқа да төлемдерді талап етпейді», – деді жиында ұлттық экономика министрі Руслан Дәленов.

Айта кетейік, Солтүстік инвестициялық банк 1975 жылы құрылған. Қаржы ұйымы Скандинавия мен Балтық елдері мүше болып табылатын көпжақты даму банкі. Штаб-пәтері Хельсинки қаласында орналасқан. Аталмыш 
банктің жарғылық капиталы 6 млрд 142  млн еуро. Қомақты қаржы Дания, Эстония, Финляндия, Исландия, Латвия, Литва, Норвегия, Швеция сияқты мүше мемлекеттердің төлемдерінен құралған. 

Солтүстік инвестициялық банктің стратегиясына сәйкес кредиттік портфельдің шамамен 20%-ы банкке мүше емес елдерге беріледі.

Қанат Махамбет

inbusiness.kz-ті қараңыз, оқыңыз :

Мұғалімдер жалпыұлттық халық санағына өз еркімен тартылады

Жалпыұлттық халық санағын жүргізетін азаматтардан жұмыс өтілі мен кәсіби білім талап етілмейді.

13 Ақпан 2020 14:53 465

Мұғалімдер жалпыұлттық халық санағына өз еркімен тартылады

Ұлттық экономика министрлігі статистика комитетінің төрағасы Нұрболат Айдапкеловтың айтуынша, қазан айына жоспарланған жалпыұлттық халық санағын өткізуге 32,5 мың адам қатысады.  

Халық санағын жүргізетін азаматтарға халық санағының логотипі бар куәлік, сөмке және бөкебай беріледі. Санақшылар тұрғын үйлерге барғанда куәліктерін көрсетуге міндетті болады. Жалпыұлттық санақ екі кезеңнен тұрады. 

«Жалпыұлттық халық санағы кезінде мұғалімдерге ақылы негізде, өз еркімен жұмыс істеуге мүмкіндік беріледі. Олар жұмысқа тегін тартылмайды. Жалпыұлттық халық санағын жүргізуге Қазақстан Республикасының 18 жастан асқан азаматы атсалыса алады. Халық санағын жүргізетін азаматтардан жұмыс өтілі мен кәсіби білім талап етілмейді. Оларға планшетпен жұмыс істей білу талабы ғана қойылады», – деді ұлттық экономика министрлігі Статистика комитетінің төрағасы Нұрболат Айдапкелов.

Қанат Махамбет 

Бұдан былай МЖӘ жобаларының инфляциялық шығынын мемлекет өтемейді

Ұлттық экономика министрлігінің МЖӘ туралы жаңа бұйрығы күшіне енді.

15 Қаңтар 2020 17:07 170

Бұдан былай МЖӘ жобаларының инфляциялық шығынын мемлекет өтемейді

Мемлекеттік-жеке меншік әріптестік аясында жоба жүргізудің тәртібіне елеулі өзгерістер енді. Бұл туралы  «Қазақстандық МЖӘ орталығы» акционерлік қоғамының баспасөз  қызметі хабарлады.

«2020 жылдың 10 қаңтарынан бастап Ұлттық экономика министрлігінің «2019 жылдың 19 желтоқсанында шығарған бұйрығы күшіне енеді. Бұл бұйрық мемлекеттік-жеке меншік әріптестік жобаларын жоспарлау және іске асыру процедурасын реттеу тәртібіне өзегріс енгізуді көздейді», – делінген ресми мәліметте.

Жаңа бұйрық бойынша, халыққа аса қажет деген, ең өзекті проблемаларды шешетін жобаларға басымдық берілмек. Әр жоба бойынша ведомствоаралық комиссия құрылып, оны ресми мақұлдауы тиіс. Ведомствоаралық комиссияның салалық қорытындысы не жобаның өміршеңдігін қуаттап, не біржола жоққа шығаруы тиіс. Ал егер бизнес-жоспар мен конкурстық құжаттарға өзгеріс енгізілсе, салалық қорытынды қайтадан жасалуы тиіс. 

Жаңа тәртіп бойынша нысанның құны құрылыстағы баға белгілеудің нормативтік құжаттары бойынша анықталуы тиіс. Ал инвестициялық шығынның инфляциямен байланысты шығындары бұдан былай бюджет есебінен өтелмейді.

«МЖӘ жобасының инфляцияға байланысты инвестициялық шығындарын өтеу шарты жойылды. Келісімшарт мазмұнына жеке меншік тарапты МЖӘ нысанын пайдалану немесе жаңғыртып отыру міндетінен босататын өзгерістер енгізуге тыйым салынды. Өзгертулердің бір тармағы МЖӘ жобаларының бірыңғай базасын құруға бағытталған», – делінген баспасөз қызметінің мәліметінде.
 

Жаңалықтарға жазылу: