Ұлттық статистика бюросының СҚО бойынша департаментінің мәліметінше, бағалар өткен жылғы желтоқсанда, 2022 жылғы желтоқсанмен салыстырғанда, азық-түлік тауарларына – 9,8 пайызға, азық-түлік емес тауарларға – 9 пайызға, ақылы қызметтерге – 13,8 пайызға өсті.
Бір жыл ішінде жұмыртқа – 14,8 пайыз, жаңа ауланған балық – 14,1 пайызға, жемістерге – 10 пайызға, кондитер өнімдеріне – 9,3 пайызға, етке – 8 пайызға қымбаттаған.
Ал жармалар 6,9 пайызға арзандаса, күріш 37,3 пайызға қымбаттады.
Алкогольді ішімдіктерге де баға өскен, енді ол 18,7 пайызға қымбатқа сатылады, алкогольсіз сусындар 16,4 пайызға қымбат. Көкөністерге баға 2,1 пайызға өсті, соның ішінде сәбізге – 21,7 пайызға, қызылшаға – 19,1 пайызға, қырыққабатқа – 16,9 пайызға өссе, пиязға – 12 пайызға, картопқа – 1,5 пайызға төмендеді. Қант 14 пайызға арзандады.
Бұйымдар, приборлар және жеке тұтынуға арналған тауарлар – 21,2 пайызға, жиһаз және үй тұрмысына қажетті заттар – 20,3 пайызға, киім және аяқ киім – 11,6, фармацевтикалық өнімдер – 9,4 пайызға қымбаттады.
Коммуналдық төлемақы 15,8 пайызға өсті, амбулаторлық қызметтер – 14,7 пайызға, шаштараз және жеке қызмет көрсететін мекемелер қызметтері – 14,9 пайызға, сақтандыру қызметтері – 3,1 пайызға қымбаттады.
