Солтүстік Қазақстанда екі азамат шаруа қожалықтарының бірінің 50 бас асыл тұқымды бұзауын ұрлап, артынша сатып жіберген, деп жазады inbusiness.kz сайты.
Мал ұрлау әрекеті Тимирязев ауданында болған. Белгілі болғандай шаруашылықта күзет те, бақылайтын бақылау камералары да жоқ екен. Десе де, полицияның жедел әрекетінің арқасында күдіктілер ұсталған.
Келтірілген шығын сомасы – 5 млн 800 мың теңге. Асыл тұқымды төлдерді ұрлауға кәсіпорынның 24 және 25 жастағы екі жұмысшысының қатысы бары анықталған.
Күдіктілердің сөзінше, бұзауларды олар бірнеше рейспен ұрлап, ауданның әр түрлі адамдарына сатқан. Қазіргі уақытта құжатсыз сатып алған тұрғындардан 25 бас бұзау қайтарылды, қалғаны бойынша жұмыс жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
