Астанадағы ЭКСПО-2017 көрмесін тамашалауға Солтүстік Қазақстан облысынан 136 мың тұрғын келеді. Бұл туралы аппараттық кеңес барысында кәсіпкерлік және туризм басқармасының жетекшісі Құралай Жарова мәлім етті деп хабарлайды облыс әкімдігінің баспасөз қызметі.
"93 күндік көрмені тамашалау кестесі әзірленді, оған 136 мың адамды аттандыру қарастырылған, оның ішінде 60 мыңы – оқушылар, студенттер мен зейнеткерлер. Көрмеге баратын аз қамтылған отбасылар мен жетім балалардың жолақысы бюджеттік қаражаттан бөлінеді", – деді Құралай Жарова.
Сондай-ақ, Жастар бастамасының орталығымен бірігіп ЭКСПО-ға қатысатын 180 ерікті үш айлық оқыту курсынан өтеді.
Жергілікті "Прогресс" турфирмасы өңір мен Ресейдің шекаралас өңірлерінің тұрғындарына туристік бағыт әзірлеп қойды.
