Біріккен Ұлттар Ұйымының (БҰҰ) құпия есебінде Солтүстік Корея шамамен 3,6 миллиард долларлық криптовалютаны ұрлаудың артында тұруы мүмкін делінген, деп хабарлайды Inbusiness.kz Reuters-ке сілтеме жасап.
Ондағы мәліметтерге сәйкес, КХДР хакерлері соңғы жеті жылда криптовалюта компанияларына кибершабуылдар жасау арқылы ұрлық жасап келген.
Reuters агенттігі 10 мамырда БҰҰ Қауіпсіздік кеңесіне ұсынған БҰҰ есебінде 2017 және 2024 жылдар аралығында криптовалюта компанияларына жасалған 97 болжамды кибершабуылдар тізімі берілген. Оның ішінде 2023 жылдың аяғында 147,5 миллион доллар ұрланған НТХ криптовалюта биржасына кибершабуыл да бар. Ұрлаудан кейін қаражат Tornado Cash криптовалюта араластырғышы арқылы шығарылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
