Бұған дейін америкалық БАҚ-тың анонимді дереккөздері хабарлағандай, ұсталған адам қатардағы жауынгер Травис Кинг екені анықталды. Бұл ақпаратты АҚШ армиясының өкілі растады, деп жазады Inbusiness.kz.
Дереккөздердің айтуынша, ол бұрын Оңтүстік Кореядағы Кэмп Хамфриз тәртіптік бөлімінде болған және АҚШ-қа Қарулы Күштерден босатуды рәсімдеу үшін баруы керек болған.
Ол паспорттық бақылаудан өткеннен кейін қалай екені белгісіз, Солтүстік Кореямен шекаралас демилитаризацияланған аймаққа экскурсиялық турға қосылды.
Мемлекеттік департамент пен АҚШ Қорғаныс министрлігі экскурсия барысында ол "әдейі, өз еркімен" шекарадан өтті деп мәлімдеді. Алайда, әзірге бірде-бір ведомство оның әскерден қашып кеткенін хабарлаған жоқ.
Сол экскурсияға қатысушылардың бірінің айтуынша, сарбаз күліп тұрып Солтүстік Кореяға шекарасынан өткен.
"Басында ол жәй әзілдеп тұр деп ойладым, бірақ оның ізі суығанын көріп, үрейлене бастадым. Ол шынымен қашып кетті", — деді куәгер.
АҚШ Мемлекеттік департаментінің өкілі Мэттью Миллер оның кеңсесі Пентагонмен байланыста екенін және қажет болған жағдайда кез келген көмек көрсетуге дайын екенін айтты.
