Батыс Қазақстан облысында Сомалиден келген тамада ұсталды, деп хабарлайды inbusiness.kz тілшісі Polisia.kz-ке сілтеме жасап.
БҚО Полиция департаменті баспасөз қызметінің мәліметінше, 25 жастағы шетелдік азамат - Алматы қаласындағы жоғары оқу орындарының бірінің студенті. Оның айтуынша, Қазақстанда 2019 жылдан бері тұрады. Алматыдағы ЖОО-да бағдарламашы мамандығы бойынша оқиды.
"Осы уақыт ішінде сомалилік жігіт тілді жақсы меңгеріп, салтанатты іс-шараларға қатысып, ақша тауып жүрген. Оның визасының уақыты біткен, соның негізінде ҚР Көші-қон заңнамасын бұзу дерегі бойынша хаттама жасалды. Материал сотқа жіберілді. Енді шетелдік азамат депортациялануы мүмкін", - деп хабарлады ведомстводан.
Шетелдік азамат Ақтөбеден Орал қаласына барар жолда, Сырым ауданында қолға түскен.
