"Түркістан облысының полиция қызметкерлері үш адамнан тұратын қылмыстық топты ұстады. Бұл қылмыстық топ Кентау ауданында 19 рет мал ұрлағаны дәлелденіп отыр. Сондай-ақ, сәуір айында Батыс Қазақстан облысында 54 мал ұрлығына қатысы болған қылмыстық топ әшкереленді. Олар 170 бас іріқара малды жымқырған. Жалпы соңғы бес жылда мал ұрлау 42%-ға азайған. Мәселен 2015 жылы 8 мың рет мал ұрланса, 2019 жылы 4,5 мың осындай қылмыс жасалды. Қолды болған жануарлар саны 38%-ға азайды. Яғни 25 мыңнан 16 мыңға дейін төмендеді. Биылғы жылдың 10 айында мал ұрлығы 41%-ға азайды. Бұған елдегі карантин шаралары әсер еткені сөзсіз", – деді криминалдық полиция департаменті басшысы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
