Тәртіп сақшалары апаттық жағдайды азайтуға және жол-көлік оқиғаларының алдын алуға, жол қозғалысы қатысушылары арасында қауіпсіздік талаптарының сақталуын бақылауға, тиісті қоғамдық тәртіпті қамтамасыз етуге, сондай-ақ қылмыстар мен басқа да заңсыз әрекеттерді уақтылы алдын алу мен жолын кесуге ерекше назар аударуда.
"Ең көп кездесетін заңбұзушылықтар: мас күйінде көлік құралын басқару – 13, көлік құралын жүргізу құқығынсыз оның басқару – 8, көлік құралын басқару құқығынан айырылған болса да көлік құралын басқару – 2, жалған МТНБ салынған көлікті басқару – 8, қарсы қозғалыс жолағына шығып кету – 15, бағдаршамның тыйым салынған түсіне өтіп кету – 15, апаттық жағдай жасау – 48, көлік құралын басқару кезінде ұялы телефонды қолдану – 141, қауіпсіздік белдігін тақпау – 162, маневр жасау ережелерін бұзу – 128, сонымен қатар 154 жаяу жүргіншілер жасаған құқық бұзушылықтар" , – деді Алматы қалалық ПД Жергілікті полиция қызметі басқармасының бастығы Манап Саттаров.
Қадағалау функцияларынан басқа, жергілікті полиция қызметі мен Әкімшілік полиция басқармасының қызметкерлері алдын алу жұмыстарын жүргізуде.
