/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Соңғы төрт айда жолаушы тасымалы күрт азайды

Соңғы төрт айда жолаушы тасымалы күрт азайды

25 мамырдағы жағдай бойынша сатылған теміржол билеттерінің саны 217 мыңға жеткен.

29 Мамыр 2020 14:43 224

Соңғы төрт айда жолаушы тасымалы күрт азайды

2020 жылдың қаңтар және сәуір айларында елімізде 5 миллион адам жол жүрген. Бұл туралы Ramking.kz басылымы хабарлады. Бір жылда бұл көрсеткіш 27,9%-ға қысқарған. 

Сәуір айында 204,1 мың, наурызда 1,26 миллион жолаушы тасымалданған. Яғни бір ай ішінде көрсеткіш шамамен алты есе азайған. 

Жолаушы айналымы соңғы төрт айда 3,75 млрд жолаушы шақырымына дейін төмендеді. Жылдық қысқаруы – 32,4%. Сәуірде жолаушы айналымы 162,7 млн жолаушы шақырымы, наурызда 946,5 млн жолаушы шақырымы болды. Яғни бір айда көрсеткіш 5,8 есе кеміген. 

Биыл темір жол арқылы 130,6 млн тонна жүк тасымалданған. Бір жылдық өсімі 3,1%. Сәуірде 33,65 млн тонна, наурызда 34,4 млн тонна жүк тиісті жерге жеткізілген. 

Табиғат Нұрболат
 

Жолаушы тасымалы 37%-ға, жолаушы айналымы 38%-ға қысқарды

Кәсіпорындардың табысы азайды.

23 Маусым 2020 15:22 136

Жолаушы тасымалы 37%-ға, жолаушы айналымы 38%-ға қысқарды

Автокөлік және қалалық электр көлігі арқылы жүзеге асырылатын жолаушы тасымалы мен айналымы азайған. Бұл туралы ranking.kz басылымы хабарлады.

Өткен аптаның демалыс күндері Алматы, Нұр-Сұлтан, Шымкент, Қарағанды, Павлодар және Екібастұз қалаларында шектеу шаралары күшейтіліп, қоғамдық көліктің қозғалысы азайтылған еді. Бірақ такси қызметіне ешқандай тыйым салынбады.

2020 жылдың қаңтар және мамыр айлары аралығында автокөлік пен қалалық электрлі көліктермен жүретін жолаушылардың саны күрт кеміді: 36,7%-ға қысқарып, 5,9 млрд болды. Ал жолаушы айналымы 37,3%-ға төмендеді.

Мұндай жолаушылардың басым бөлігі автобусты пайдаланатындар: биыл мамыр айына дейін 4,4 млрд жолаушы тіркелген. Автобуспен жол жүретіндердің қатары осы жылы 38,6%-ға азайған.

Такси қызметіне жүгінгендердің саны 1,5 млрд болды. Бұл былтырғы көрсеткіштен 30,3%-ға аз. Трамвай тасымалы пандемиядан аса қатты зардап шеге қойған жоқ: 17,3%-ға қысқарып, жолаушылардың саны 10,3 миллионға дейін төмендеді.

Автокөлік пен қалалық электрлі көлік кәсіпорындарының табысы 7,9%-ға азайып, 95 млрд теңгеге дейін түсіп кетті. Жүк тасымалынан түскен табыс 9,7%-ға, ал жолаушы тасымалынан түскен табыс 32,6%-ға қысқарып, 28,9 млрд теңге болды.

Табиғат Нұрболат

Ресейде коронавирус инфекциясын жаңа әдіспен емдей бастады

Жаңа әдіспен қазір жеті адам емделіп жатыр. 

09 Сәуір 2020 17:39 209

Ресейде коронавирус инфекциясын жаңа әдіспен емдей бастады

Склифосовский атындағы жедел жәрдем институты мен Мәскеудегі №52 ауруханада Covid-19 вирусын жұқтырғандардың ағзасына осы аурудан айыққандардың қан плазмасын құйып емдеп жатыр. Бұл туралы Мәскеу қаласының әлеуметтік даму жөніндегі вице-мэрі Анастасия Ракова мәлім етті.

«Біз басқа елдердегі әріптестеріміздің ауруды қалай емдеп жатқанын бақылап жүрміз. Осындай зерттеулер Қытай, Германия және АҚШ елдерінде жүзеге асырылып жатыр. Қан плазмасын құю әдісі індетті еңсеруге зор септігін тигізеді деп үміттенеміз», – деді Ракова. 

Аурудан жазылғандардың қанында вирусқа қарсы тұра алатын антиденелер бар екен. Әзірге коронавирус инфекциясынан құлантаза жазылып шыққан 11 адам донор болуға келіскен. Ал жаңа әдіспен қазір жеті адам емделіп жатыр. 

Ракованың айтуынша, бір донордың қан плазмасы 1-3 науқасқа жетеді. Сондықтан қан тапсырушылардың саны неғұрлым көп болса, індетті ауыздықтау соғұрлым жеңілірек болады. 

Донорлардың қаны коронавирус жұқтырғандарға құйылмас бұрын тексерістен өтеді. Мысалы, жазылғандар Covid-19 вирустық инфекциясынан жазылды деген медициналық құжат болу керек. Сонымен қатар олар АИВ-ті, В және С гепатиттерін анықтайтын тест, қанның биохимиялық анализін тапсыруға міндеттеліп, коронавируқа қарсы антиденені анықтайтын зерттеу жұмыстары жүргізіледі. 

Соңғы мәлімет бойынша, Ресейде науқастардың саны 10 мыңнан асып, оның 76-сы қайтыс болды. 700-ге жуық кісі ем-дом қабылдап жазылған. 

Табиғат Нұрболат