Ақтөбе облысының мамандандырылған ауданаралық соты мұнай ұрлығына қатысы бар "Төрт ағайынды" ұйымдасқан қылмыстық тобының 26 мүшесіне үкім кесті, деп хабарлайды Интерфакс-Қазақстан.
Қылмыстық топтың басшысы Еркін Ізбасар 12 жылға бас бостандығынан айырылды, сондай-ақ ұрлықпен тапқан дүние-мүлкі тәркіленеді. Ал оның серігі Аухат Қалиев 11 жылға сотталды. Қылмыстық топты жасыруға тырысқан облыстық ІІД басшысының бұрынғы орынбасары Рахан Аханов 5 жыл және 3 ай арқалады. Сонымен қатар мемлекеттік органдарда басшылық қызметтерді атқара алмайды.
Ал өзгелеріне 2 мен 11 жыл аралығында жаза кесілді.
Айта кетсек, аталған топқа қатысы барлар 2016 жылы желтоқсанда Қазақстанның батыс облыстарында арнайы операция жүргізу барысында ұсталған еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
