14 ақпанда Павлодар – Қызылорда тас жолында жол апаты болған. Сот үкіміне қарағанда, Lexus LX 470 көлігінің жүргізушісі жол қауіпсіздігін сақтамаған, Lexus LX 570 көлігі одан қашып, бағытын өзгертті. Салдарынан "Газельмен" соқтығысты. Бұл Lexus LX 570 көлігінің ішінде Павлодар облысының экс-әкімі Болат Бақауов болған еді.
Бақауовтың денсаулығына ауырлығы орташа зиян келді. Саусақ фалангасы сынған. Сонымен бірге апат болған жерден түсірілген бейне таралды. Сондықтан экс-әкім өзін "қорландым, жайсыздықты бастан кештім" деп есептеп, үш млн теңге моральдық өтемақы сұрады.
Сот моральдық зиянды өтеуге 300 мың теңге бекітті.
Жол қозғалысы ережесін бұзғаны үшін Lexus LX 470 көлігінің жүргізуші Бұламбаевқа 91 мың теңге айыппұл салынып, екі жылға жүргізуші куәлігінен айырылды. Сотта өз кінәсін мойындамады және Бақауов мінген джип алдымен оған, содан кейін Газельге соғылды деп мәлімдеді.
Айта кетейік, 2020 жылдың мамыр айында Болат Бақауов сыбайлас жемқорлық қылмысы үшін сотталған. Себебі салық төлеуден жалтарған жиенінің фирмасын қаржылай қолдаған. Бақауовтың лауазымдық өкілеттіктерін асыра пайдаланғаны үшін 3,5 жылға бас бостандығы шектелді.
Шартты түрде мерзімінен бұрын босату туралы сотқа өтініш берді, бірақ сот одан бас тартты.
