Депутат заңнамалық өзгеріс судьялардың кәсібилігін, сондай-ақ жауапкершілігі мен тәуелсіздігін арттыруды көздейтінін мәлімдеді.
"Соттардың қаржылық дербестігі – сот билігі тәуелсіздігінің негізгі көрсеткіштерінің бірі. Сондықтан халықаралық тәжірибе бойынша сот жүйесі бюджетінің мөлшерін пайызбен белгілеу ұсынылды", – деді Нәзилә Раззақ.
Оның сөзінше, сот жүйесі бюджетін қалыптастырудың жаңа моделіне де бұған дейінгідей Есеп комитетінің бақылауы сақталады.
"Сот жүйесіне жұмсалатын шығыстар "001" бюджеттік бағдарламасы бойынша барлық мемлекеттік орган шығысының кемінде 6,5%-ын құрайды. Қаржыландыру деңгейі мен бағытын Жоғарғы соттың кеңейтілген кеңесінің жалпы отырысы бөледі. Оған аудандық, облыстық және Жоғарғы соттың судьялары кіреді. Есеп комитетінің бақылауы сақталады", – деді депутат.
Қанат Махамбет
