Онымен қоса 50 жәбірленушіге де материалдық шығынды өтейді, деп хабарлайды inbusiness.kz сайты.
Бүгін Астана соты "BizBirgemiz Qazaqstan 2030" қайырымдылық қорының бұрынғы жетекшісі мен оның анасына үкім шығарған еді.
– Жәбірленушілер мен өкілдеріне келтірілген материалдық шығынды өндіріп алу туралы азаматтық талаптар толық көлемде қанағаттандырылсын. Перизат Қайрат пен Ғайни Алашбаевадан 50 жәбірленушінің пайдасына 1 миллиард 582 миллион 649 мың 591 теңге көлемінде материалдық шығынды бірлесіп өндіру белгіленсін, – деп мәлімдеді судья Сабыржан Кәрімов.
Сондай-ақ, ол әрбір жәбірленушіге қатысты материалдық шығын мөлшерін де айтты.
– Перизат Қайрат пен Ғайни Алашбаевадан мемлекет кірісіне баж тәртібімен, әрқайсысынан 22 миллион 583 мың 934 теңгеден өндіріп алу белгіленсін. Қылмыстық-процестік кодексінің 172-бабына сәйкес, азаматтық талаптарға қатысты үкім бөлігін ерікті түрде орындау үшін Перизат Қайрат пен Ғайни Алашбаеваға үкім заңды күшіне енген күннен бастап 1 ай мерзім белгіленсін. Аталған мерзімнен кейін талап мәжбүрлеп орындатуға жатады, – деді іс бойынша төрағалық етуші судья.
Бұған дейін Перизат Қайрат пен анасынан тәркіленген дүние-мүліктер белгілі болған еді.
