Үш сәтсіз әрекеттен кейін америкалық SpaceX аэроғарыштық компаниясы Starship тарихындағы ең қуатты әрі ауыр зымыранның сәтті сынақ рейсін жасады, деп жазады inbusiness.kz сайты.
Орбитада шамамен бір сағат болғаннан кейін зымыран сағатына шамамен 25 мың шақырым жылдамдықпен Жер атмосферасына еніп, Үнді мұхитында Австралияның солтүстік-батысына қарай бұрылды.
Зымыран Техастың оңтүстігіндегі Starbase ғарыш айлағынан ұшырылды, ұшырылғаннан бірнеше минут өткен соң, Super Heavy бірінші сатысының прототипі Мексика шығанағында сәтті түсірілді. Ұшу тікелей эфир режимінде жүргізілді.
"Шашырау расталды! Бүкіл SpaceX командасын Starship-тің төртінші сынақ рейсімен құттықтаймыз!"- деп жазды Элон Масктың компаниясы x әлеуметтік желісінде.
АҚШ-тың Ұлттық аэронавтика және ғарыш басқармасы (NASA) компанияны "сәтті ұшуымен" құттықтады. "Біз адамзаттың айға оралуына тағы бір қадам жасадық", - деді NASA басшысы Билл Нельсон.
