Super Heavy зымыран тасығышы бар Starship ғарыш кемесі бесінші орбиталық сынақ ұшуына дайын. Бұл туралы SpaceX компаниясы мәлімдеді, деп хабарлайды inbusiness.kz сайты "Интерфакс"-қа сілтеме жасап.
Ғарыш кемесі қашан іске қосылатыны әлі анықталмады. Бұл АҚШ Федералды авиация әкімшілігінің рұқсатына байланысты.
Дүние жүзіндегі ең үлкен Starship зымыраны 6 маусымда төртінші рет ұшырылды. Жерді бір айналып өткеннен кейін, кеме Үнді мұхитына қарай бұрылған.
Қайта пайдалануға жарамды зымыран жүйесі Starship ғарыш кемесі мен Super Heavy тасымалдаушысынан тұрады. Оның биіктігі 120 метрден асады. Ол әлемдегі басқа зымырандардан биік. Super Heavy тасымалдаушысы NASA-ның Space Launch System (SLS) ауыр зымыранынан екі есе күшті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
