Сыбайлас жемқорлыққа қарсы іс-қимыл агенттігі спорт саласындағы жемқорлық тәуекелдеріне сыртқы талдау жүргізіп жатыр, деп хабарлайды inbusiness.kz сайты.
"Талдау шеңберінде Туризм және спорт министрлігінің, оның ішінде оның ведомстволық бағынысты ұйымдарының спортты қаржыландыру мәселелері жөніндегі қызметіне талдау жүргізілуде.
Бұдан басқа, спорттық іс-шаралар мен жиындар, спорттық жабдықтар мен тамақтандырудағы сатып алу, шетелдік іссапарларды ұйымдастыру, сыйақылар, спорт объектілерін салу, сондай-ақ спорт федерациялары мен кәсіби клубтарды ұстау бойынша бюджеттік және бюджеттен тыс көздер зерделенетін болады", — деп хабарланды Агенттік брифингі барысында.
Айта кетейік, талдау Агенттіктің, мүдделі мемлекеттік органдардың қызметкерлерімен және азаматтық қоғам өкілдерінің қатысуымен өткізіліп жатыр.
