13 қарашада Қазақстанда шығарылған Stadler вагондарынан жасақталған №153/154 "Нұрлы жол – Семей" жолаушылар пойызы алғашқы сапарына шықты, деп хабарлайды inbusiness.kz сайты.
Пойыз құрамында 13 заманауи вагон бар. Жолаушыларға жайлы жағдай жасау үшін вагондар климат-бақылау жүйесімен, жеке жарықтандыру шамдарымен, электр розеткаларымен, USB және USB-C қуаттау порттарымен жабдықталған. Сондай-ақ бейнебақылау жүйесі орнатылып, жүріп-тұруы шектеулі жолаушыларға арнайы жағдай қарастырылған.
Пойыз күнара қатынайды. Билеттерді bilet.railways.kz сайтынан және теміржол кассаларынан сатып алуға болады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу