Turkish Airlines компаниясы Стамбұл-Алматы бағыты бойынша Airbus A-330 әуе кемесімен ұшатын болады, деп хабарлайды азаматтық авиация комитетінің баспасөз қызметі.
2018 жылғы 1 маусымнан бастап, "Turkish Airlines" түрік әуе компаниясы Стамбұл - Алматы - Стамбұл бағыты бойынша Airbus A-330 кең фюзеляжды әуе кемесінің жаңа түрін пайдаланатын болады.
Бұл ҚР ИДМ азаматтық авиация комитеті мен Түркияның авиациялық билігінің біріккен жұмысының нәтижесінде мүмкін болып отыр.
Осы бағытта А-330 жайлы әуе кемесінде рейстер Алматы қаласынан 06.45-те, ал Стамбұлдан сағат 20.25-те күнделікті орындалады.
Кең фюзеляжды А-330 әуе кемелерінің ерекшелігі - барлық класс жолаушылары үшін жайлы орындар қарастырылған, орындықтар арасындағы қашықтық басқа ұшақтармен салыстырғанда кеңірек, жолаушылар үшін ыңғайлы екі өтпесі бар, (эконом-классты қоса алғанда) әрбір жолаушы үшін жеке ойын-сауық жүйесі қарастырылып, бизнес-класс жолаушыларына арналған орындар толықтай жатқызылады, сондай-ақ арнайы камералар арқылы ұшақтың ұшуын әр жолаушының бақылауға мүмкіндігі бар. Сонымен қатар, кең әрі ауқымды әуе кемелерін пайдалану әуежайлар мен навигациялық жүйелер үшін қосымша табыс көзі екендігін атап өткен жөн.
