Биылғы тасқыннан зардап шеккен аймақтар – Ақмола, Ақтөбе, Атырау, Батыс Қазақстан, Қостанай, Солтүстік Қазақстан облыстары.
Мұндағы талапкерлер үшін маңызды ақпарат бар.
"Егер негізгі ҰБТ-дан төмен балл жинасаңыз, қаңтар немесе наурыз айларындағы ҰБТ-ның жоғары нәтижесімен грант конкурсына қатысу мүмкіндігіңіз бар. Осылайша қалауыңыз бойынша ең үздік ҰБТ нәтижесімен грант конкурсына қатыса аласыз", – деп ескертеді орталықтан.
2024 жылы жалпы грант санының 20 пайызы су тасқынынан зардап шеккен өңірлердің талапкерлеріне бөлінген.
Аталған аймақтың талапкерлері грант конкурсына құжатты 13-24 шілде аралығында тапсыра алады.
Айта кету керек, биылғы талапкерлердің 77 пайызы негізгі ҰБТ-ны тапсырып үлгерді.
Науқан басталғаннан бері 315 мың рет тест тапсырылды. Оның ішінде талапкерлердің 77% — қазақ тілінде, 23% — орыс тілінде, 200-ден астам адам ағылшын тілінде тестілеуден өтті.
