Өнеркәсіп және құрылыс министрі Қанат Шарлапаев тасқыннан зардап шеккен өңірлердегі үйлерге тоқталды, деп хабарлайды inbusiness.kz сайты.
"Құлсары қаласында 2700-ден астам үйді су басты. Олардың көбінен су әлі кетпеді. Петропавлда 2 мыңға жуық үйлер су астында қалды, су әлі кеткен жоқ. Қазіргі таңда жұмыстарды екі мәселеге бөлдік. Су басқан бірнеше өңірде – Ақтөбе, Қостанай, Ақмола облысында технологиялық тексеру жүргізіп жатырмыз. Басқаларды су кеткеннен кейін қараймыз. Мысалы, Ақтөбе облысының жартысында техникалық тексеру жасалды. Су басқан 1176 үй бар, олардың ішінде 537-сі жарамсыз, оны қайтып тұрғызу қажет болады", - деді ведомство басшысы Үкіметте өткен брифингте.
Сөзінше, осы жұмыстар жалғасын табады.
Айта кету керек, осыған дейін Ақтөбе облысында тасқыннан зардап шеккендерге арналған үйлердің құрылысы басталғанын жазған болатынбыз.
