Бұл туралы Оқу-ағарту бірінші вице-министрі Наталья Жұмаділдаева Орталық коммуникациялар қызметінде өткен брифингте айтты, деп хабарлайды inbusiness.kz сайты.
"Төтенше жағдай жарияланған Ақтөбе облысының 9 мектебінде, Атырау облысының 3 мектебінде және Солтүстік Қазақстан облысының 5 мектебіндегі оқушылар аралық және қорытынды емтиханнан босатылды. Бүгінгі таңда емтиханнан 3581 оқушы босатылған. Оның ішінде 541-і 9-сынып оқушылары, 283 11-сыныпта оқитындар. Қалғаны қазақ тілінен емтихан тапсыруы тиіс 5-8 және 10-сыныпта білім алатын оқушылар. Мектеп түлектерінен басқа осы оқушылар үшін жаз мезгілінде жазғы мектептер ұйымдастырылатын болады", - деді Наталья Жұмаділдаева inbusiness.kz сайтының тілшісінің сауалына берген жауабында.
Айта кету керек, осыған дейін биыл мектепті 186 мыңнан астам оқушы аяқтайтынын жазған болатынбыз.
