Автобензин мен жанармайдың көтерме және бөлшек сауда бағасын қашан және қаншаға көтеру жоспарлануда? Су тасқынынан көбірек зардап шеккен аймақтарда дизельдік отын мен бензиннің тапшылығы мен бағасының өсуі күтілуде ме? Бұл сұрақтарға ҚР Энергетика министрлігі жауап берді, деп хабарлайды inbusiness.kz сайты.
"Халықтық" АИ-92 бензині мен дизель отынының бағасы елдің барлық аумағында, бірінші кезекте, су тасқынынан зардап шеккен өңірлерде бірдей деңгейде қалып отыр.
Су тасқынынан зардап шеккен өңірлерде арнайы техника үшін дизель отынының қорлары жеткілікті және тәулік бойы және үздіксіз толтырылады, оның ішінде:
Атырау облысы - 48 мың тонна (43 күнге қажеттілік);
БҚО - 16 мың тонна (40 күн);
СҚО-51 мың тонна (83 күн);
ШҚО-20 мың тонна (26 күн);
Қостанай облысы-47 мың тонна (41 күн).
Сондай-ақ, бұл өңірлер автобензиндермен (5-38 күн) және авиаотынмен (5-7 күн) қамтамасыз етілген, олар да үздіксіз толтырылады.
Бұл ретте Энергетика министрлігі ЖЖМ бойынша мамандандырылған Республикалық қызмет құрды.
Басым тәртіппен кез келген өңірде және тәулік бойы ТЖ жою кезінде тартылған қорғаныс және төтенше жағдайлар министрліктерінің, әкімдіктердің бөлімшелері қамтамасыз етіледі.
Республикалық ЖЖМ қызметі еліміздің барлық 20 өңірінде қорларды көздеп, үздіксіз толықтырып отырады:
- автобензиндер - 4,3 мың тонна;
- авиаотын - 50,2 мың тонна;
- дизель отыны - 8 мың тонна.
Көрсетілген ТЖ аймағына байланысты 1-18 сағат ішінде ЖЖМ жеткізу үшін 111 автоцистерна жұмылдырылды немесе жедел дайындықта болады (қажет болған жағдайда автоцистерналар саны ұлғайтылады).
Сондай-ақ, Министрлік ЖЖМ жеткізу жөніндегі бірыңғай оператордың ("ҚазМұнайГаз-Аэро / ҚМГА" ЖШС) желісі бойынша ТЖ режимінде жұмыс істейтін Атырау облысы мен Атырау қаласының әкімдіктеріне қосымша 371 мың литр дизель отыны және 24 мың литр АИ-92 автобензин бөлді.
Қажет болған жағдайда еліміздің кез келген өңірінде жанар-жағармай мен автоцистернаның қосымша көлемі бөлінетін болады.
Жалпы, қазіргі уақытта ел бойынша ЖЖМ қорлары жоғары:
- автобензиндер - 480 мың тонна (33 күн);
- авиаотын - 107 мың тонна (56 күн);
- дизель отыны - 610 мың тонна (39 күн);
ЖЖМ қорлары тәулік бойы толтырылады және жөнелтіледі.
"Сондай-ақ, ҚМГА 2026 жылы аяқтау үшін Астана және Ақтөбе қалаларының әуежайларында мұнай өнімдерін сақтау базалары мен отын құю кешендерін салу бойынша жобалар басталады, бұл сақтау сыйымдылығын 70 мың м3 автобензинге, авиациялық және дизель отынына дейін арттыруға мүмкіндік береді", - делінген хабарламада.
