61 жастағы ер адам 7 жасар немересімен шомылуға келіп, суға батып кеткен. Қыз баланы іздестіру жұмыстары жүріп жатыр, ал атасының денесі табылды, деп хабарлайды inbusiness.kz.
"Бүгін таңғы сағат бес отыз бес шамасында 2015 жылы туған қызды іздестіру жұмыстары қайта басталды. Жедел-құтқару жасағы құтқарушыларының үш есебі. Сүңгуірлер өзеннің су бөлігін тексереді. Жеке құрамның 54 адамы жағалау сызықтарын аралайды", – деп жазылған Жамбыл облысының ТЖД департаментінің хабарламасында.
Оқиға кеше, 23 шілдеде сағат 17-10 шамасында орын алған. Суға кеткендер рұқсат етілмеген жерде шомылған. Ер адамның денесін судан сол маңда жүрген адамдар шығарып алған. Ал баланы іздестіру жұмыстары түнге дейін жалғасқан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
