Осымен тоғызыншы жыл қатарынан өткізіліп отырған олимпиадаға еліміздің барлық облыстары мен Астана, Алматы, Шымкент қалаларында бір уақытта өткізілетін болады. Биыл да өз жалғасын тапқан игі бастама арқылы еліміздің түкпір-түкпіріндегі мектеп пен колледж түлектерін арнайы SPT олимпиадасы арқылы іріктеп, озық шыққан жастарға жалпы саны 297 оқу гранты мен жеңілдік ұсынады.
Айта кетейік, SPT (SDU Proficiency test) – Сүлейман Демирел университеті ұйымдастыратын Қазақстанның барлық мектеп пен колледж түлектеріне арналған. Негізгі мақсаты – талапкерлерге болашақта мамандық таңдауға көмектесу және түрлі деңгейдегі грант пен жеңілдік беру арқылы қолдау көрсету. Олимпиада да әрбір оқушы таңдаған бағыты бойынша (Физика, География, Химия-биология, Ағылшын тілі, Әдебиет, АҚҚ, Биология, Тарих, Информатика) өз білімін көрсете отырып, СДУ-дің ішкі гранты мен жеңілдіктеріне ие бола алады.
Биылғы жылы Олимпиада екі кезеңнен тұрады:
- І кезең – онлайн (50 логикалық сұрақ);
- ІІ кезең – офлайн (таңдау пәні бойынша 100 сұрақ).
