RU KZ
Сыртқы істер министрлігі ҚХР уәкілетті органдарымен келіссөздерді жалғастыруда

Сыртқы істер министрлігі ҚХР уәкілетті органдарымен келіссөздерді жалғастыруда

26 Қараша 2020 17:56 148

Сыртқы істер министрлігі ҚХР уәкілетті органдарымен келіссөздерді жалғастыруда
ҚР ҚМ МКК Қазақстан мен Қытай шекарасындағы қалыптасқан жағдай туралы түсінік берді.

Еске сала кетсек, Қытай пандемия жағдайында қазақстандық тараптан қабылданатын көліктердің санын шектеген болатын. Індеттен бұрын «Нұр Жолы» бақылау-өткізу пункті арқылы Қытай тарапына күніне 200-ден астам көлік бірлігі қатынаса, пандемия басталғаннан бері бұл сан күніне 20-30 бірлікке дейін төмендеді.

Мемлекеттік кірістер комитетінің хабарлауынша, мәселені шешу үшін Қытай тарапының тәулігіне 80 бірлікке дейін жеткізілетін көлік көлемін ұлғайтуға мүмкіндік беретін бірқатар шара қабылданған. Алайда биылғы жылдың 10 қарашасынан бастап Қытай тарапы қазақстандық тараптан қабылданатын көліктердің санын тағы шектеген, ал экспорттық тауарлары бар көліктер қабылданбайды.

«Биылғы жылдың 26 ​​қарашасында Қытай тарапы «Евроотранзит» көліктік-логистикалық орталық аумағында қазақстандық көліктерге тиелген жүктері бар 7 тіркеме ғана шығарды. Осыған байланысты, мәселені шешу үшін Қазақстан Республикасының Сыртқы істер министрлігі ҚХР уәкілетті органдарымен келіссөздерді жалғастыруда»,– дейді комитеттен.

Фото: kazakh-tv.kz