Бір ай бұрын Павлодар облысындағы Баянауыл табиғи саябағында болған өрттің шығыны 95 миллион теңгеден асқан. Бұл жайында облыстық орман және жануарлар дүниесі аумақтық инспекциясы хабарлады.
Тілсіз жау жалмаған жердің жалпы көлемі 71,1 гектарды құрады. Сонын ішінде 55,8 гектары орман алқабы. Ұлттық табиғи саябақтағы өрттің себебін инспекторлар анықтай алмаған.
Естеріңізге сала кетсек, Баянауылдағы апат 14 шілдеде басталған еді. Өрт сөндірушілер оны тек қана 13 күннен кейін ғана сөндіре алған. Жалынды ауыздықтау үшін Баянауыл, Қалқаман, Екібастұз және Майқайыңнан көмек келген. Сондай-ақ Өскемен мен Көкшетаудан тікұшақтар жұмылдырылған еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
