Гренада Республика болуға қызығушылық танытуда, елдің премьер-министрі мұндай өзгеріс оның басшылығы кезінде болады деп үміттенеді. Бұл туралы Гренада премьер-Министрі Дикон Митчелл Sky News-ке берген сұхбатында айтты, деп жазады inbusiness.kz.
Корольдің таққа отыруы қарсаңында Дикон Митчелл республикашылдық, достастық пен Гренада мемлекетінің Ұлыбританиямен қарым-қатынасы туралы айтты.ч
10 ай бойы премьер-министр қызметін атқарып келе жатқан 45 жастағы Митчелл тарихи оқиға оның басшылығы кезінде болады деп үміттенетінін айтты, бірақ 2024 жылға дейін кез келген конституциялық өзгерістер мүмкіндігін жоққа шығарды.
Ол бүгінгі таңда ел алдында тұрған басым мәселе емес екенін атап өтті. Гренаданың экономикалық, медициналық әрі әлеуметтік мәселелері өз шешімін әлі тапқан жоқ.
Бұл туралы әңгіме Ямайканың республикаға көшу жоспарларын жеделдету туралы мәлімдемесінен қозғалды. Ямайканың позициясы туралы айта отырып, Гренада премьер-министрі Митчелл мұны тек Ямайка халқы мен үкіметі шешуі керек деп мәлімдеді.
"Ямайканың тарихы тереңде. Ямайкалықтар Ұлыбританияны мақтан тұтады, соған қарамастан олар өте ұлтшыл. Сондықтан, менің ойымша, тәуелсіздік алуды халық пен үкімет өзара келісіп шешуі керек", - деді Дикон Митчелл.
Премьер-министр Гренада халқының республикашылдыққа қатысты ойы екіге бөлінгенін, кейбіреулері, тіпті, немқұрайлық танытатынын атап өтті, өйткені олар тәуелсіздік олардың күнделікті өміріне "өзгеріс" әкелмейді деп санайды. Алайда ол Гренаданы автономияға жылжыту жолында ағарту жұмыстары маңызды екенін айтты.
Премьер-министр Гренада Республика болған жағдайда да Ұлыбританиямен жақсы қарым-қатынасты сақтағысы келетінін атап өтті.
Вест-Индияның тағы бір елі Барбадос 2021 жылы парламенттік Конституциялық монархиядан өтіп, ресми түрде республика атанды.
