Елімізде тағы үш банк бірігуі мүмкін. Мамыр айының соңына қарай Capital Bank Kazakhstan мен AsiaCredit-тің Tengri Bank-ке қосылу жайы қаралатын болады. Жиында құнды қағаздардың коэффициенті, тәртібі мен сатып алу мерзімін бекіту жоспарланған.
Айта кетейік, Tengri Bank-тің ең ірі акционері – үндістандық Punjab National Bank. AsiaCredit Bank-тың 99,9 пайызына қазақстандық кәсіпкер Нұрбол Сұлтан иелік етіп отыр. Ал Capital Bank Kazakhstan-ды бизнесмен Ориджан Шадиев басқаруда.
Ұлттық банктің мәліметіне сәйкес активтердің көлемі бойынша 28 банктің ішінен Tengri Bank 20-шы орында тұр. Азия кредит пен Capital Bank тізімнің 22-ші және 23-ші сатысында екен.