Тайландтың Пхукет аралының маңында саяхатшылар мінген 2 кеме аударылды, деп хабарлайды 24.kz.
Апат кезінде 90-нан астам адам құтқарылды. 7 адам із-түссіз жоғалып, іздестіріліп жатыр. Апат аралдың оңтүстігі мен оңтүстік-батысына қарай жерде жергілікті уақытпен кешкі сағат 6-лар шамасында орын алған.
Оқиға кезінде кеменің бірінде 97, ал екіншісінде 39 саяхатшы болған. Ақпарат құралдарының хабарлауынша, олардың басым бөлігі Қытай мен Еуропа елдерінің азаматтары.
Әзірге кемелердің апатқа ұшырауына не себеп болғаны белгісіз. Қазір оқиға болған ауданда іздестіру-құқару жұмыстары жүріп жатыр. Оған елдің әскери-теңіз күштері де жұмылдырылған. Бірақ жоғалғандарды іздестіруге ауа райының қолайсыздығы кедергі келтіруде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
